लघुवित्त संघर्ष समितिसँग अर्थ मन्त्रालयमा वार्ता जारी छ। वित्तीय क्षेत्र समन्वय महाशाखाका प्रमुख नारायण रिसालको संयोजकत्वको वार्ता समितिले अहिले वार्ता गरिरहेको हो।
गत साउनमा गठित यो समितिले विगतमा पनि वार्ता गर्दै आइरहेको थियो। तर, समस्या समाधान हुन सकिरहेको छैन। लघुवित्त वित्तीय संस्थाबाट अस्वाभाविक रूपमा ऋण प्रवाह भएकाले त्यसको ऋण तिर्न नसक्ने अवस्थामा लघुवित्तका सदस्यहरू पुगेका छन्।
त्यस्तै, कतिपय ऋणीले एकभन्दा बढी लघुवित्तबाट ऋण लिँदाको परिणाम अहिले समस्या देखिएको लघुवित्तको समस्याबारे नेपाल राष्ट्र बैंकको अध्ययनले देखाएको थियो।