Skip This
प्रधानमन्त्री पुष्पकमल दाहाल प्रचण्ड, एमाले अध्यक्ष केपी ओली र एकीकृत समाजवादीका अध्यक्ष माधवकुमार नेपालबीच मिलेर अगाडि बढ्ने समझदारी भएको छ ।
प्रधानमन्त्रीनिवास बालुवाटारमा आज भएको तीन शीर्ष नेताबीचको छलफलमा आगामी दिनमा मिलेर अघि बढ्ने समझदारी भएको हो । छलफल मुख्य गरी एकीकृत समाजवादीले उठाउँदै आएका मागमा केन्द्रित रहेको थियो ।
एकीकृत समाजवादीले केन्द्रदेखि प्रदेशसम्मको शक्ति बाँडफाँट तथा जनसरोकारका विषय उठाउँदै आएको छ ।
छलफलपछि सत्तागठबन्धन दलहरूबीच आठबुँदे सहमतिकोमा त्यसमा एकीकृत समाजवादी पनि थपिने, राष्ट्रिय सभाको अध्यक्षमा सत्तागठबन्धनका उम्मेदवारलाई मत दिने तथा प्रधानमन्त्रीलाई विश्वासको मत दिने सहमति पनि भएको छ ।
एकीकृत समाजवादीको हिजो बसेको संसदीय दलको बैठकले राष्ट्रिय सभा निर्वाचनको अध्यक्ष प्रधानमन्त्रीले लिने विश्वासको मतअघि आफ्ना सरोकारमा प्रधानमन्त्रीको विश्वस्त प्रतिबद्धता मागेको थियो ।
