- वि.सं २o८o फाल्गुण १४ सोमबार
दुई वर्षअघिको भूकम्पले घर ध्वस्त बनाएपछि घरबारविहीन भएका मर्स्याङ्दीका १७ परिवारको घर पुनर्निर्माण भएको छ । मर्स्याङ्दी गाउँपालिकाको ३, ८ र ९ का आर्थिक अवस्था कमजोर भएका भूकम्पपीडितको घर पुनर्निर्माण गरिएको हो ।
दुई वर्षदेखि टहरामा कष्टकर जीवन बिताएका तिलकबहादुर भण्डारीले घर पाउँदा खुसी व्यक्त गरे । लमजुङमा क्रियाशील ग्रामीण सामुदायिक विकास केन्द्र (आरसिडिसी) र क्याथोलिक रिलिफ सर्भिस (सिआरएस)को साझेदारीमा लमजुङ पुनर्लाभ परियोजनाअन्तर्गत मस्र्याङ्दीका १७ भूकम्पपीडितको घर पुनर्निर्माण गरेर उनीहरूलाई हस्तान्तरण गरिएको हो ।
चालू आर्थिक वर्षमा निर्माण सकेका १७ घरका लागि आरसिडिसी र सिआरएसले ९२ लाख ५३ हजार ४६ लगानी गरेको आरसिडिसीका अध्यक्ष राजेन्द्र बोहराले जानकारी दिए । उनका अनुसार उक्त रकमबाट मर्स्याङ्दी गाउँपालिका– ९ मा १३, ८ मा तीन र वडा नम्बर ३ मा एक घर पुनर्निर्माण गरिएको छ ।
निजी आवास पुनर्निर्माणका लागि आरसिडिसी र सिआरएसले प्रतिघर पाँच लाख ४५ हजार तीन सय ४९ का दरले लगानी गरेका छन् । घरसँगै १५ लाभग्राहीलाई जीविकोपार्जनका लागि १५ हजारका दरले सहयोग गरिएको छ ।
