नेपाल–क्यानडा बाइल्याट्रल सिरिजअन्तर्गत अहिले नेपाल र क्यानडाबीचको पहिलो म्याच चलिरहेको छ । त्रिवि खेलमैदानमा दुई सय २५ रनको लक्ष्य पछ्याएको क्यानडाले दोस्रो विकेट गुमाएको छ ।
नेपाललाई तीव्रगतिका बलर सोमपाल कामीले दोस्रो सफलता दिलाएका हुन् । सोमपालले ओपनर आरोन जोनसनलाई २० रनको व्यक्तिगत अवस्थामा एलबिडब्लू धरापमा पारे ।
१५ बलको सामना गरेका आरोनले विस्फोटक सुरुवात गर्दै एक छक्का र तीन चौका प्रहार गरिसकेका थिए । उनी आउछ हुँदा क्यानडाले ६ ओभरको समाप्तिमा ३५ रन बनाएको थियो । ताजा अवस्थामा भने उसले आठ ओभरमा दुई विकेटको क्षतिमा ४३ रन बनाएको छ ।