संसद्को हिउँदे अधिवेशनको रणनीति बनाउन कांग्रेस संसदीय दलको बैठक बसेको छ।
संसद्को भवनको लोत्से हलमा सुरु भएको बैठकमा आगामी अधिवेशनको तयारी, संसद्लाई प्रभावकारी बनाउने, जनजीविकाका सवाल र कानुन निर्माणकेन्द्रित गराउने रणनीति बनाउनेलगायताका विषयमा छलफल हुने बताइएको छ।
प्रमुख सचेतक रमेश लेखकका अनुसार आगामी अधिवेशनलाई कानुन निर्माणमा उपलब्धिपूर्ण बनाउने विषयमा बैठक केन्द्रित हुने बताए।
शुक्रबार बिहान रास्वपा संसदीय दलको बैठक बसेको थियो। प्रमुख प्रतिपक्षी एमालेको संसदीय दलको बैठक शनिबार दिउँसो १२ बजे संसद् भवनको लोत्से हलमा बस्दै छ।