- वि.सं २o८१ बैशाख १९ बुधबार
लक्ष्मी टेक्नो प्लास्ट लिमिटेडले प्राथमिक सेयर निष्कासन (आइपिओ) जारी गर्ने भएको छ । आइपिओ निष्कासन तथा बिक्री प्रबन्धकमा कम्पनीले नेपाल एसबिआई मर्चेन्ट बैंकिङ लिमिटेडलाई नियुक्त गरेको छ ।
निष्कासनका लागि लक्ष्मी टेक्नो प्लास्टका प्रबन्ध निर्देशक अन्जनी नन्दन मारू र मर्चेन्ट बैंकिङ लिमिटेडका प्रबन्ध सञ्चालक तथा प्रमुख कार्यकारी अधिकृत लेखनाथ पोख्रेलले सम्झौतापत्रमा हस्ताक्षर गरेका छन् । कम्पनीले सय अंकितदरमा १४ करोड रुपैयाँबराबर हुन आउने १४ लाख कित्ता सेयर निष्कासन गर्न लागेको हो । साधारण सेयरको अंकित मूल्यमा प्रिमियम रकम थप गरी साधारण सेयर जारी गर्न लागेको कम्पनीले जनाएको छ ।
लक्ष्मी टेक्नो प्लास्ट ०७२ असोज १८ मा प्राइभेट कम्पनी लिमिटेडका रूपमा स्थापित भई कम्पनी ऐन, २०६३ बमोजिम पब्लिक लिमिटेड कम्पनीमा परिणत भएको हो । कम्पनीले प्लास्टिकजन्य सामग्री उत्पादन गर्दै आइरहेको छ ।
