विद्यालय फोरेर कम्प्युटर चोरी

Read Time : < 1 मिनेट

केशवप्रसाद भट्टराई, ताप्लेजुङ

नयाँ पत्रिका

२o८१ जेठ ३ बिहीबार २३:१२:oo

ताप्लेजुङको मैवाखोला गाउँपालिका–५ फाकुम्बास्थित पार्टीडाँडा माविको आइटी एकेडेमी कक्ष फोडेर भएक दर्जनभन्दा बढी ल्यापटप र कम्प्युटर चोरी भएको छ ।

विद्यालयका शिक्षक शान्ता आङवुहाङका अनुसार सोमबार राति ल्याबबाट १२ वटा ल्यापटप ४ वटा डेस्कटपसहितका उपकरण चोरी भएको हो । शिक्षक आङवुहाङका अनुसार झण्डै साढे ११ लाख बढीको चोरी भएको प्रारम्भिक अनुमान गरिएको छ ।

चोरी भएका अन्य सामानको विवरण समेत संकलन भइरहेकोले चोरीबाट भएको क्षति रकम बढ्न सक्ने उनले जानकारी दिइन् । ह्युमन प्राक्टिस फाउन्डेसनको सहयोगमा सो विद्यालयमा आइटी एकेडेमी कक्ष स्थापना भएको थियो ।

#विद्यालय फोरेर चोरी