- वि.सं २o८१ बैशाख २४ सोमबार
साताको कारोबारको अन्तिम दिन बिहीबार सेयर बजार घटेको छ। आज सेयर बजार परिसूचक नेप्से १.९३ अंकले घटेर २०६८.९० विन्दुमा झरेको छ।
आज होटेल, लगानी, उत्पादन, म्यचुअल फन्ड, निर्जीवन बिमा र अन्य समूहको सेयर सामान्य अंकले बढे पनि बाँकी समूहको सेयर ओरालो लागेको छ।
यस दिन बजारसँगै कारोबार रकममा पनि कमी आएको छ। एक करोड ६८ लाख कित्ता सेयर किनबेच हुँदा चार अर्ब २९ करोड नौ लाख रुपैयाँमा कारोबार भएका छन्। सबैभन्दा धेरै सोनापुर मिनरल्स एन्ड आयल कम्पनीको १४ करोड ३८ लाख रुपैयाँको सेयर किनबेच भयो।
आज सबैभन्दा धेरै बिपिडब्लू लघुवित्त र धौलागिरि लघुवित्तको सेयर १० प्रतिशतले घटेको छ। समग्रमा बजार घटे पनि आज भिजन लुम्बिनी ऊर्जा कम्पनी, चिरख्वा हाइड्रोपावर, हाथवे इन्भेस्टमेन्ट नेपाल, मनकामना इन्जिनियरिङ कम्पनी र मुक्तिनाथ कृषि कम्पनीको सेयर १० प्रतिशतले बढेर सकारात्मक सर्किट लागेको छ।
