- वि.सं २o८१ बैशाख २१ शुक्रबार
बुढानीलकण्ठ नगरपालिकाले चाडपर्वका नाममा नियमित विद्यालय पोसाकभन्दा फरक पोसाक किन्न बाध्य नपार्न विद्यालयहरूलाई सचेत गराएको छ।
नगरपालिकाभित्रका विद्यालयलाई परिपत्र गर्दै नगर प्रमुख मिठाराम अधिकारीले यस्तो निर्देशन दिएका हुन्।
‘केही विद्यालयले विभिन्न चाडपर्वको नाममा विद्यार्थीलाई नियमित विद्यालय पोसाकभन्दा फरक पोसाक किन्न लगाएको भन्ने गुनासो यस नगरपालिकामा प्राप्त भएकाले तोकिएको विद्यालय पोसाकबाहेक अन्य पोसाक किन्न विद्यार्थीलाई बाध्य नगर्न सबै विद्यालयलाई अनुरोध गरिन्छ,’ पत्रमा भनिएको छ।
परिपत्रविपरीत कार्य गरेको पाइएमा कानुनबमोजिम कारबाही हुने नगरपालिकाले चेतावनी दिएको छ।
