- वि.सं २o८o मङ्सिर १३ बुधबार
भरतपुर महानगरपालिकामा स्यालआतंक फैलिएको छ । स्यालले मानिस र घरपालुवा पशुचौपायालाई टोक्दा स्थानीय त्रसित भएका छन् । भरतपुर महानगरपालिका- १३, ब्रह्मपुरीमा स्यालले मानिस र पशुचौपायालाई टोकेर घाइते बनाएको छ ।
मंगलबार बिहान ९ बजेतिर स्थानीय जोखबहादुर गुरुङलाई स्यालले टोकेको थियो । स्यालको टोकाइबाट घाइते भएका गुरुङको भरतपुर अस्पतालमा उपचार गरिएको छ ।
यसैगरी, प्रेमनारायण दवाडीको घरमा रहेका तीनवटा गाई र एउटा कुकुरलाई समेत स्यालले टोकेको छ । स्यालले टोकेका पशुचौपायालाई भेटेरेनरी चिकित्सकमार्फत उपचार गरी निगरानीमा राखिएको छ। स्याल गाउँघरमै पसेर मानिस र घरपालुवा चौपायालाई टोक्न थालेपछि स्थानीय डराएका छन् ।
