गाजापट्टीमा इजरायली हवाई हमलाबाट मृत्यु हुने प्यालेस्टाइनीको संख्या ६ हजार पाँच सय ४६ पुगेको छ ।
हमासद्वारा सञ्चालित स्वास्थ्य मन्त्रालयले बुधबार जनाएअनुसार आक्रमणमा परी तटीय एन्क्लेभमा १७ हजार चार सय ३९ प्यालेस्टाइनी घाइते भएका छन् ।
अक्टोबर ७ मा इजरायली सैन्य क्षेत्र र सहरहरूमा हमासले ठूलो हमला गर्दा इजरायलमा एक हजार चार सय व्यक्तिको मृत्यु भएको थियो । त्यसयता गाजामा हमासविरुद्ध इजरायलले भीषण हवाई हमला गर्दै आएको छ । (सिन्ह्वा)