एमाले बागमती प्रदेशको प्रथम अधिवेशनबाट नयाँ नेतृत्व चयनका लागि भएको मतदान सकिएको छ । एमाले केन्द्रीय कार्यालय च्यासलमा भएको मतदानमा एक हजार एक सय ३१ मत खसेको छ । एक हजार एक सय ७२ मतदाता थिए । 

आजै मतगणना सुरु गरिने भएकाले मध्यरातसम्ममा नतिजा आउने बताइएको छ । 
बागमती प्रदेशको अध्यक्षका लागि कैलाश ढुंगेल र कृष्णप्रसाद दाहालबीच प्रतिस्पर्धा भएको छ । दुवै उम्मेदवारले बाँकी चार पदाधिकारीको प्यानल बनाएर चुनावी प्रतिस्पर्धा गरेका छन् ।