- वि.सं २o८o असोज १२ शुक्रबार
नेपालमा व्यावसायिक सफलतापछि नेपाली फिल्म ‘नांगो गाउँ’ मध्यपूर्वका देशहरूमा चलिरहेको छ। बिहीबारदेखि मध्यपूर्वका देशहरू संयुक्त अरब इमिरेट्स (युएई), कतार र बहराइनमा ‘नांगो गाउँ’ प्रदर्शनमा आएको हो।
यस क्षेत्रका लागि वितरक अनिशसिंह ठकुरीका अनुसार तीन देशका कुल २२ पर्दामा फिल्म रिलिज गरिएको छ। तीमध्ये अधिकांशमा हाउसफुल छन्।
‘दर्शकको फ्लो राम्रो छ। बिहीबार र शुक्रबार प्रदर्शन भएका २२ मध्ये अधिकांश हल हाउसफुल छन्,’ ठकुरीले नयाँ पत्रिकासँग भने।
दीपेन्द्र लामाको लेखन तथा निर्देशन रहेको फिल्ममा दयाहाङ राई, शिशिर बाङ्देल, मिरुना मगर, साम्राज्ञी शाह, कार्म, कमलमणि नेपाल, रवीन्द्र झा, बुद्धि तामाङ, विशाल पहारी, अंकित खड्का, बद्री पुडासैनीलगायतका कलाकारको अभिनय रहेको छ।
