१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८o भदौ २८ बिहीबार
  • Sunday, 23 June, 2024
नयाँ पत्रिका काठमाडाैं
२o८o भदौ २८ बिहीबार o८:४८:oo
Read Time : < 1 मिनेट
ad
ad
ad
ad
समाचार प्रिन्ट संस्करण

अभिभावकीय राजसंस्था र प्रत्यक्ष प्रधानमन्त्री : राप्रपा 

Read Time : < 1 मिनेट
नयाँ पत्रिका, काठमाडाैं
नयाँ पत्रिका
२o८o भदौ २८ बिहीबार o८:४८:oo

राष्ट्रिय प्रजातन्त्र पार्टीले प्रत्यक्ष निर्वाचित कार्यकारी प्रधानमन्त्रीको व्यवस्थासहित राजतन्त्रलाई अभिभावकीय संस्थाका रूपमा अघि बढाउन प्रस्ताव गरेको छ । बुधबार काठमाडौंमा आयोजित विरोधसभाको राप्रपा अध्यक्ष राजेन्द्र लिङ्देनले शासकीय स्वरूपमा आफ्नो पार्टीको धारणा सुनाएका हुन् । 

‘देशलाई दुर्घटनाबाट जोगाउन नयाँ सम्झौता गरौँ । त्यो तपाईंहरू (ठूला दल)कै नेतृत्वमा होस् । अब राजालाई कुनै न कुनै प्रकारको स्पेसको व्यवस्था गर्नुहोस्,’ उनले भने, ‘राजालाई अभिभावकीय संस्थाका रूपमा अगाडि बढाऔँ । जनतालाई प्रत्यक्ष निर्वाचित कार्यकारी प्रधानमन्त्रीको व्यवस्था गरौँ ।’

कांग्रेस, एमाले र माओवादी गलत बाटो हिँडेको दाबी गर्दै त्यसलाई सच्याउन लिङ्देनको आग्रह छ । ‘तपाईंहरूलाई देश र जनताप्रति माया छ र सुध्रन चाहनुहुन्छ भने सुध्रनुस्, अहिले पनि समय बिग्रिएको छैन । कुनै विद्रोह नगरी सल्लाहबाटै बाटो सच्याउनुस्,’ उनले भने, ‘१२ बुँदे सम्झौताको भारी बोकेर जसरी यहाँसम्म देशलाई हिँडाउनुभयो, यहाँसम्म आइपुग्दा त्यो बाटो गलत भयो भन्ने तपार्ईंहरूलाई पनि लागेको छ । अब त्यो बाटोले गन्तव्यमा पु¥याउँदैन । देशलाई दुर्घटनामा लानेवाला छ । ’

गौवधको विरोधका साथसाथै हिन्दू राष्ट्र र राजसंस्थाको पुनस्र्थापना, संघीयताको खारेजी, भ्रष्टाचार काण्डको पूर्ण छानबिनलगायत मुद्दाको माग गर्दै आयोजित विरोध सभामा लिङ्देनले संघीयताले देशमा ऋण बढाएको बताए । संघीयता खारेज गर्नुपर्नेमा उनले जोड दिए । विदेशीको साथविना नेपालमा सरकार टिक्न नसक्ने प्रचलन बनेको उनको दाबी थियो । लिङ्देनले देशमा धर्मनिरपेक्षता धार्मिक द्वन्द्व निम्त्याउने हिसाबले ल्याइएको तर्क गरे ।

ad
ad
ad
ad