१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८o भदौ ११ सोमबार
  • Thursday, 13 June, 2024
मुल्तान प्रस्थान गर्नुअघि आइतबार कराँची रंगशालामा अन्तिम अभ्यास गर्दै नेपाली खेलाडी । इन्सेटमा सन्दीप लामिछाने ।
२o८o भदौ ११ सोमबार o७:१o:oo
Read Time : > 2 मिनेट
ad
ad
ad
ad
ad
ad
खेलकुद प्रिन्ट संस्करण

एसिया कप खेल्न सन्दीप आज पाकिस्तान जाँदै

नेपालले आइसिसी एकदिवसीय वरीयताको शीर्ष स्थानमा रहेको पाकिस्तानसँग १३ भदौमा प्रतिस्पर्धा गर्ने

Read Time : > 2 मिनेट
नयाँ पत्रिका
२o८o भदौ ११ सोमबार o७:१o:oo

नेपाली राष्ट्रिय क्रिकेट टोलीका लेग स्पिनर सन्दीप लामिछाने एसिसी एसिया कप खेल्न आज (सोमबार) पाकिस्तान जाँदै छन् । नेपाल क्रिकेट संघ (क्यान)ले उनलाई कतार एयरवेजको फ्लाइटबाट पाकिस्तान पठाउन लागेको हो । उनी बिहान ११ः२० मा दोहा हुँदै मुल्तान पुग्ने कार्यतालिका छ । काठमाडौं जिल्ला अदालतले आइतबार सन्दीपको पेसी २१ भदौलाई सारेपछि उनको एसिया कप खेल्ने बाटो खुला भएको हो । अदालतका न्यायाधीश प्रकाशप्रसाद पण्डितले सन्दीपको मुद्दा ‘हेर्न नभ्याउने’ सूचीमा राखेका छन् । 

काठमाडौं जिल्ला अदालतमा सन्दीपको सुनुवाइ चौथो नम्बरका थियो । ‘अर्काे पेसी चढेसँगै उनी पाकिस्तान जाँदै छन्,’ क्यानका कार्यवाहक सचिव दुर्गाराज पाठकले नयाँ पत्रिकासँग भने । ५ भदौमा नेपाली टोली पाकिस्तान पुगेको थियो । कराँची पुगेको नेपाली खेलाडीले गत बिहीबारदेखि अभ्यास गरेका थिए । पहिलोपटक एसिया कपमा छनोट भएको नेपालले समूह ‘ए’मा एकदिवसीय क्रिकेट प्रतियोगिताको पूर्व विश्व च्याम्पियन भारत र पाकिस्तानविरुद्ध खेल्नेछ । नेपालले १३ भदौमा पाकिस्तानसँग मुल्तानमा खेल्नेछ । १८ भदौमा नेपालले भारतसँग खेल्ने तालिका छ । 

यसैबीच, कराँचीमा चार दिनको अभ्यासपछि रोहितकुमार पौडेलको कप्तानीमा रहेको नेपाली टोली आइतबार मुल्तान पुगेको छ । नेपालका मुख्य प्रशिक्षक मोन्टी देसाईले पाकिस्तानमा तयारी राम्रो भएको बताएका छन् । ‘भारत र पाकिस्तानसँग खेल्न पाउनु नै ठूलो अवसर हो । युवा खेलाडीले राम्रो तयारी गरेका छन्,’ उनले भने, ‘राम्रो प्रदर्शन हुनेमा विश्वस्त छौँ । नेपाली टोलीले कराँचीमा स्थानीय टोलीविरुद्ध मैत्रीपूर्ण खेल खेलेको थियो । बंगलादेश टोली सकिब अल हसनको कप्तानीमा श्रीलंका पुगेको छ । 

पाकिस्तान नम्बर एक राष्ट्र
आइसिसीले आइतबार एकदिवसीय वरीयता सार्वजनिक गरेको छ । नयाँ वरीयताअनुसार एसिया कपको आयोजक पाकिस्तान शीर्ष स्थानमा उक्लेको छ । अफगानिस्तानविरुद्धको एकदिवसीय सिरिज ३–० ले जितेसँगै पाकिस्तान शीर्ष स्थानमा उक्लिएको  हो । अस्ट्रेलियालाई पछि पार्दै पाकिस्तानले शीर्ष स्थान हात पारेको हो । पाकिस्तानले सर्वाधिक ११८ अंक जोडेको छ । दोस्रो स्थानमा अस्ट्रेलिया रहेको छ । ११३ अंकका साथ भारत तेस्रो स्थानमा छ । 

एकदिवसीय नम्बर एक टोली पाकिस्तान र भारतविरुद्ध एसिया कपमा खेल्ने नेपाल १५औँ स्थानमा छ । पाकिस्तानका कप्तान बाबर अजाम एकदिवसीय ब्याट्सम्यानको वरीयतामा शीर्ष स्थानमा छन् । ओपनर इमाम उल हक तेस्रो स्थानमा छन् । एसिया कप २०२३ को उद्घाटन खेलमा पाकिस्तानसँग खेल्दा नेपालले इतिहास बनाउनेछ । नेपालले विश्वको शीर्ष वरीयताको राष्ट्रसँग पहिलोपटक खेल्नेछ । 

 १८ वर्षपछि बिसिसिआई पदाधिकारी पाकिस्तान जाँदै 
भारतीय क्रिकेट कन्ट्रोल बोर्ड (बिसिसिआई)का पदाधिकारीले १८ वर्षपछि पाकिस्तानको भ्रमण गर्ने भएका छन् । बिसिसिआईका अध्यक्ष रोजर बिनी र उपाध्यक्ष राजीव शुक्ला एसिया कप हेर्न पाकिस्तानको मुल्तान जाने भएको भारतीय मिडियाले जनाएका छन् । 

बिसिसिआईका सचिव तथा पूर्वअध्यक्ष जय साहको भ्रमणबारे अझै टुंगो लागेको छैन । ‘पाकिस्तान जान कुनै आपत्ति छैन, त्यहाँ सधैँ सत्कार पाउँदै आएको छु,’ अध्यक्ष बिनीले भने । बिनी सन् २००५ मा पाकिस्तान भ्रमणमा गएका थिए ।
पाकिस्तान क्रिकेट बोर्ड (पिसिबी)ले बिसिसिआईका पदाधिकारीलाई उद्घाटन खेल हेर्न निमन्त्रणा गरेको हो । आन्तरिक विवादका कारण भारत र पाकिस्तानबीच क्रिकेट प्रतियोगिता हुन सकेको छैन । पाकिस्तानले भारतमा आएर क्रिकेट खेलेको अवस्था छ । एसिया कप पाकिस्तानमै हुने भएपछि भारतले मुल्तानमा खेल खेल्न अस्वीकार गरेको थियो । त्यसपछि एसिसीले प्रतियोगिताका बाँकी खेल श्रीलंकामा सारेको हो ।

अफगानिस्तानको टोली घोषणा 
एसिया कपका लागि अफगानिस्तानले अन्तिम टोली घोषणा गरेको छ । पाकिस्तानविरुद्ध तीन एकदिवसीय शृंखला खेलेपछि अफगानिस्तानले अन्तिम खेलाडी चयन गरेको हो । अफगानिस्तान क्रिकेट बोर्डले हसमतुल्लाह साहिदीको कप्तानीमा १७ सदस्यीय टोली घोषणा गरेको छ । टोलीमा रहमानुल्लाह गुर्बाज (विकेटकिपर), इब्राहिम जाद्रान, रियाज हसन, रहमत साह, नजिबुल्लाह जाद्रान, मोहम्मद नाबी, इकराम अलिखिल, रसिद खान, गुलबदिन नैब र करिम जन्नत छन् । यसैगरी, अब्दुला रहमान, सराफुद्दिन असरफ, मुजिब उर रहमान, नूर अहमद, मोहम्मद सलिम र फैजल हक फारूकी छन् । समूह ‘बी’मा रहेको अफगानिस्तानले पहिलो खेल बंगलादेश र दोस्रो खेलमा सहआयोजक श्रीलंकासँग खेल्नेछ ।

ad
ad
ad
ad
ad
ad