अर्थ प्रिन्ट संस्करण

वित्तीय प्रणालीलाई कसरी बुझ्न सकिन्छ ?

वित्तीय संस्था, वित्तीय उपकरण र वित्तीय मध्यस्थताको सामूहिक स्वरूपलाई समग्र वित्तीय प्रणालीको रूपमा बुझ्न सकिन्छ ।  वित्तीय प्रणाली भन्नाले वित्तीय साधनको परिचालन र उपयोग गर्ने कार्यमा संलग्न व्यक्ति, संस्था र संयन्त्र तथा यस्तो कारोबारका लागि आवश्यक कानुनी र नियमनकारी निकायको व्यवस्थासमेतलाई वित्तीय प्रणाली भनिन्छ । 

यस्ता तत्वमा वित्तीय संस्था, वित्तीय बजार, वित्तीय उपकरण, बचतकर्ता, ऋणी, बिमा क्षेत्र तथा नियामक निकायहरू वित्तीय प्रणालीमा पर्दछन्, जसले समाजमा छरिएर रहेको बचत तथा पुँजी (सरप्लस फन्ड) लाई एकत्रित गरी आवश्यक परेको क्षेत्र (डेफिसिट) उत्पादनशील क्षेत्रमा प्रवाह गर्न तथा परिचालन गर्न महत्वपूर्ण भूमिका खेल्दछ ।

यी तत्वले राज्यको प्रचलित नियम कानुनअनुसार नियामक निकायको अधीनमा रही आफ्ना गतिविधि सञ्चालन गर्दछन् । देशमा उद्योगधन्दाको विकास र आधुनिकीकरणका अतिरिक्त रोजगारीका अवसरहरू सिर्जना गरी अर्थव्यवस्थाको सुदृढीकरणमा वित्तीय प्रणालीको विशेष भूमिका रहन्छ ।
 धितोपत्र बोर्ड