- वि.सं २o८o श्रावण १७ बुधबार
नेपाली क्रिकेट टोलीका स्पिनर सन्दीप लामिछाने पहिलोपटक क्यानडामा चलिरहेको ग्लोबल टी–२० खेलमा विकेटविहीन भएका छन् । उनी आबद्ध सर्रे जगुआर्स प्लेअफमा छनोट भएको छ ।
मंगलबार राति भएको खेलमा जगुआर्सले ब्रैम्प्टन वुल्भ्सलाई ६ विकेटले पराजित गर्दै एक खेलअगाडि नै प्लेअफमा स्थान बनाएको हो ।
ब्रैम्प्टनले दिएको १ सय २९ रनको लक्ष्य जगुआर्सले १८.४ ओभरमा चार विकेट गुमाएर पूरा गरेको थियो । जगुआर्सका लिन्टन दासले ४५ बलमा ५९ रन र कप्तान इफ्तिखार अहमदले अविजित ३८ रन बनाए । सन्दीपले ३ ओभरमा २५ रन खर्चिंदा विकेट लिन सकेनन् ।
