- वि.सं २०८० मङ्सिर १७ आइतबार
अमेरिकाको पश्चिमी राज्य क्यालिफोर्नियामा शनिबार बिहान एउटा सानो व्यापारिक जेट दुर्घटना हुँदा ६ जनाको मृत्यु भएको अधिकारीहरूले बताएका छन्।
रिभरसाइड काउन्टी सेरिफ विभागका अनुसार लस एन्जलसबाट करिब एक सय ५० किलोमिटर दक्षिण–पश्चिममा रहेको दक्षिण–पश्चिमी रिभरसाइड काउन्टीको सहर मुरिएटामा विमान दुर्घटनाग्रस्त भएको प्रहरीले जनाएको छ।
दुर्घटनाग्रस्त विमानले लस भेगासको ह्यारी रिड अन्तर्राष्ट्रिय विमानस्थलबाट उडान भरेको थियो।
गत मंगलबार यही क्षेत्रमा सेसना विमान दुर्घटना हुँदा एकजना विद्यार्थी पाइलटको मृत्यु भएको थियो भने तीनजना घाइते भएका थिए। संघीय उड्डयन प्रशासन तथा राष्ट्रिय यातायात सुरक्षा बोर्डद्वारा दुर्घटनाको अनुसन्धान भइरहेको छ।
