- वि.सं २o८१ बैशाख २४ सोमबार
गएरातिदेखि परेको अविरल वर्षाका कारण हेटौँडा–काठमाडौं जोड्ने कान्तिलोकपथ सडकखण्ड अवरुद्ध भएको छ । ललितपुरको भट्टेडाँडानजिक पहिरो खस्दा यातायात अवरुद्ध भएको जिल्ला प्रहरी कार्यालय मकवानपुरले जानकारी दिएको छ ।
कान्तिलोकपथ सडकखण्डअन्तर्गत पर्ने मकवानपुरको सिमानाबाट करिब दुई किलोमिटर उत्तरतर्फ भट्टेडाँडानजिक पहिरो खस्दा यातायात अवरुद्ध भएको हो ।
जिल्ला प्रहरी कार्यालयका मकवानपुरका प्रहरी निरीक्षक रामचन्द्र घिमिरेले पहिरोका कारण हेटौँडाबाट काठमाडौं जाने र काठमाडौंबाट हेटौँडा आउने दुवैतर्फका यातायात अवरुद्ध भएको जानकारी दिए ।
अहिले पनि पानी परिरहेका कारण पहिरो पन्छाउन कठिन भएको उनको भनाइ छ । प्रहरी निरीक्षक घिमिरेले पानी पर्न रोकिएलगत्तै पहिरो पन्छाएर यातायात सञ्चालन गर्ने बताए ।
2022-09-29-12-22-58.jpeg)
