- वि.सं २o८१ बैशाख २१ शुक्रबार
सिन्धुलीमा गएराति लिची खाँदा दाना घाँटीमा अड्किएर एक बालकको मृत्यु भएको छ । कमलामाई नगरपालिका– ६ धुराबजारका तीन वर्षीय क्रियान तामाङको घाँटीमा लिचीको दाना अड्किएर मृत्यु भएको हो ।
लिचीको दाना अड्किएपछि राति नै उनलाई उपचारका लागि सिन्धुली अस्पताल लगिएको थियो । जिल्ला प्रहरी कार्यालयका प्रहरी नायब उपरीक्षक चिरञ्जीवी दाहालले भने, ‘बालकले लिची खाँदा दाना घाँटीमा अड्किएर मृत्यु भएको अस्पतालबाट जानकारी प्राप्त भएको छ ।’
यसैबीच सुनकोसी गाउँपालिका– २ गजुलीदहस्थित सुनकोसी नदीकिनारमा एक बालकको शव फेला परेको छ । बिहीबार साँझ बालकको शव फेला परेको प्रहरी नायब उपरीक्षक चिरञ्जीवी दाहालले जानकारी दिए । सुनकोसी– २ गजुलीदहस्थित सुनकोसी नदीको किनारमा नाम–ठेगाना खुल्न नसकेको अवस्थामा अन्दाजी नौ वर्षको बालकको शव फेला परेको प्रहरीले जनाएको छ ।
2024-05-03-06-54-24.jpeg)
2024-05-03-06-54-24.jpeg)
