Skip This
एसएसपी पालबाट अरू  महिला प्रहरी पनि पीडित
१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८o जेठ २५ बिहीबार
  • Saturday, 13 July, 2024
नयाँ पत्रिका काठमाडाैं
२o८o जेठ २५ बिहीबार o९:oo:oo
Read Time : > 1 मिनेट
ad
ad
ad
ad
मुख्य समाचार प्रिन्ट संस्करण

एसएसपी पालबाट अरू  महिला प्रहरी पनि पीडित

Read Time : > 1 मिनेट
नयाँ पत्रिका, काठमाडाैं
नयाँ पत्रिका
२o८o जेठ २५ बिहीबार o९:oo:oo

प्रहरी कार्यालयभित्रै महिला प्रहरीलाई यौन दुर्व्यवहार गरेको घटनामा छानबिनमा रहेका नेपाल प्रहरीका एसएसपी योगबहादुर पालले अन्य महिला प्रहरीलाई पनि दुर्व्यवहार गर्दै आएको खुलेको छ । नेपाल प्रहरी प्रदेश प्रहरी कार्यालय, महेन्द्रनगर कञ्चनपुरमा कार्यालय प्रमुखका रूपमा कार्यरत रहँदा उनले त्यहाँका अन्य महिला कर्मचारीलाई पनि विगतदेखि नै दुर्व्यवहार गर्दै आएको छानबिनमा खुलेको हो । 

गत १९ जेठमा एक महिला प्रहरीलाई दुर्व्यवहार गरेको घटनामा प्रहरी प्रधान कार्यालयले उनलाई त्यहाँबाट सरुवा गरेर छानबिन गरिरहेको छ । सुदूरपश्चिम प्रदेश प्रहरी कार्यालय, धनगढीका एसपी श्यामसिंह चौधरीको अध्यक्षतामा समिति गठन भई छानबिन भइरहेको छ । सो छानबिनका क्रममा अन्य महिला प्रहरीले पनि विगतमा आफूहरूलाई समेत एसएसपी पालले दुर्व्यवहार गर्दै आएको सुनाएका हुन् । छानबिन समितिले १९ जेठको घटनाबारे कार्यालयका प्रहरी कर्मचारीसँग सोधपुछ गरेको थियो । जसक्रममा अन्य महिला प्रहरीले पनि विगतमा आफूमाथि एसएसपी पालले गरेको दुर्व्यवहारका घटना सुनाएका छन् । 

‘कोही पनि महिला प्रहरी उहाँलाई एक्लै भेट्न जानै डराउने रहेछन्,’ प्रदेश प्रहरी कार्यालयका एक अधिकारी भन्छन्, ‘विगतमा पनि धेरै महिला प्रहरीलाई निवासमा बोलाउने र उनीहरूको प्रशंसा गरेर त्यहीँ बस भन्दै फकाउने गरेको बुझियो ।’ स्थानीयस्तरमा पनि उनको बारेमा नराम्रो छवि रहेको समेत छानबिन समिति स्रोत बताउँछ । पाल गत पुसदेखि सो कार्यालयमा प्रमुखका रूपमा कार्यरत छन् । 

गत १९ जेठमा बिदामा घर जान लागेकी सहायक हवल्दारलाई आफ्नो निवासमा बोलाएर ‘तिमी मलाई मन पर्‍यो, आज गुड फ्राइडे’ मनाउनुपर्छ भन्दै उनले दुर्व्यवहार गरेका थिए । ती महिला प्रहरीले प्रतिकार गरी उनको कोठाबाट निस्किएर सहकर्मीलाई त्यसबारे जानकारी गराई प्रदेश कार्यालय धनगढीमा उजुरी गरेकी हुन् । सोही दिन प्रहरी प्रधान कार्यालयले उनलाई जिम्मेवारीबाट हटाएको थियो । प्रहरी कार्यालयभित्रै भएको गम्भीर प्रकृतिको दुर्व्यवहार घटनामा कानुनी कारबाहीको प्रक्रिया भने सुरु भएको छैन । आफूविरुद्ध जाहेरी नदिन एसएसपी पालले आफन्तमार्फत ती महिला प्रहरीलाई फकाउने प्रयास गरिरहेको स्रोत बताउँछ । प्रहरी प्रधान कार्यालयले पनि उनीमाथि कारबाहीमा ढिलाइ गरिरहेको छ ।

निमित्त प्रहरी महानिरीक्षक टेकप्रसाद राई भने प्रदेश कार्यालयबाट छानबिन प्रतिवेदन आएलगत्तै कारबाही प्रक्रिया अघि बढ्ने बताउँछन् । ‘महिलामाथि हुने हिंसाका घटनामा प्रहरीले शून्य सहनशीलताको नीति लिएको छ,’ उनले भने, ‘छानबिन प्रतिवेदन आएलगत्तै एक्सनमा जान्छौँ ।’ एसपी चौधरी नेतृत्वको समितिले एक–दुई दिनमा प्रतिवेदन बुझाउने तयारी गरेको छ । सोही प्रतिवेदनका आधारमा उनको निलम्बन हुने–नहुने तय हुन्छ । साथै, पक्राउ गरेर मुद्दा चलाउने प्रक्रिया भने पीडित महिलाको जाहेरीमा भर पर्ने प्रहरी अधिकारी बताउँछन् ।  

एसएसपी पाल विगतमा पनि यस्ता घटनामा संलग्न भई उन्मुक्ति पाउँदै आएका अधिकारी हुन् । ०७१ मा सोलुखुम्बुको प्रहरी प्रमुख भएका वेला पनि आचरणसम्बन्धी गम्भीर घटनामा उनलाई हटाइएको थियो । त्यतिवेला पनि महिला प्रहरीका साथै एक गैरप्रहरीमाथिको घटनाको उजुरीका आधारमा उनलाई सरुवा गरे पनि कारबाही भने हुन सकेन । त्यसअघि बौद्ध वृत्तमा हुँदा पनि उनी कारबाहीमा परेका थिए । प्रहरीका उनी सबैभन्दा विवादास्पद अधिकृतका रूपमा चिनिन्छन् । पाल ०५२ को इन्स्पेक्टर भर्नामा असफल भएपछि राष्ट्रिय अनुसन्धान विभागबाट राजनीतिक सोर्सफोर्सका आधारमा भर्ना भई पछि नेपाल प्रहरीलाई स्थानान्तरण भएका अधिकृत हुन् । 

ad
ad
ad
ad