- वि.सं २०८० मङ्सिर २३ शनिबार
वित्तीय साक्षरताको अभावले नेपालमा डिजिटल ठगीसम्बन्धी बढ्दै गएको घटनालाई मध्यनजर गर्दै गरिमा विकास बैंकले वित्तीय साक्षरतासम्बन्धी भिडियो तयार पारेको छ ।
मुख्यतः वित्तीय साक्षरता एवं जागरुकताको अभावले हुने यस्ताखाले ठगीमा प्रायः सबै उमेर समूहहरू फस्ने गर्छन् । यसलाई मध्यनजर गर्दै यस विकास बैंकले आफ्नो आधिकारिक युट्युब एवं अन्य सामाजिक सञ्जालमार्फत डिजिटल ठगीसम्बन्धी जनचेतनामूलक भिडियो सार्वजनिक गरेको हो ।
करिब दुई मिनेट लामो उक्त भिडियोमा एक शिक्षित युवा पनि कसरी यस्तो ठगीमा फस्न सक्छ भन्ने विषय देखाइएको छ ।
