मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १६ शुक्रबार
  • Friday, 29 March, 2024
नयाँ पत्रिका काठमाडौं
२०८० बैशाख २३ शनिबार ०९:४९:००
Read Time : < 1 मिनेट
अर्थ प्रिन्ट संस्करण

हुलाकी राजमार्गको काम अघि बढाउन निर्देशन

Read Time : < 1 मिनेट
नयाँ पत्रिका, काठमाडौं
२०८० बैशाख २३ शनिबार ०९:४९:००

भौतिक पूर्वाधार तथा यातायातमन्त्री प्रकाश ज्वालाले हुलाकी राजमार्गको बेतौना–विराटनगर सडकखण्डको समस्या तत्काल समाधान गर्न मातहतका निकायलाई निर्देशन दिएका छन् । 

हुलाकी राजमार्गको मोरङखण्डमा ठेकेदार कम्पनीले काम रोकेपछि संघीय सांसद, प्रदेश सभा सदस्य र पाँच स्थानीय तहका जनप्रतिनिधिले बिहीबार पत्रकार सम्मेलन गरेका थिए । त्यसलगतै मन्त्री ज्वालाले सडक विभाग र इटहरी कार्यालयका आयोजना प्रमुखलाई टेलिफोन गरी तत्काल निर्माण कम्पनीलाई कारबाही गरी समस्या समाधान गर्न निर्देशन दिएका हुन् । झापा, मोरङ, सुनसरी र सप्तरी गरी चार जिल्ला कार्यक्षेत्र रहेको इटहरी योजना कार्यालयले ४४ किमि खण्डमा पाँच ठेक्का लगाई निर्माण कार्यलाई तीव्रता दिएको छ, जसमध्ये २० किमि कालोपत्रे भइसकेको छ । 

बेतौनादेखि विराटनगरसम्मको करिब १८ किलोमिटरमा सञ्चालित दुई ठेक्काको निर्माण कार्य करिब एक महिनादेखि ठप्प रहेको छ । निर्माणको काम ठप्प भएपछि जनप्रतिनिधिले पत्रकार सम्मेलन गरेका थिए । त्यसपछि मन्त्री ज्वालाले यस्तो निर्देशन दिएका हुन् ।

एक महिनादेखि निर्माण कार्य रोकिएपछि आयोजनाको इटहरी कार्यालयले र निर्माण सुचारु गर्न निर्माण व्यवसायीलाई लिखित पत्राचार गरिसकेको छ । समयमा निर्माणको काम सक्ने गरी तत्काल काम नथाले निर्माण व्यवसायीलाई सार्वजनिक खरिद ऐन, नियमावली तथा ठेक्का सम्झौताका सर्तबमोजिम कारबाहीको प्रक्रिया अगाडि बढाउने आयोजनाले चेतावनी दिएको छ ।