Read Time : < 1 मिनेट
२o८१ बैशाख २१ शुक्रबार १o:२९:oo
आइएमई लिमिटेडको साधारण सेयर (आइपिओ) निष्कासन तथा बिक्री प्रबन्धकमा प्रभु क्यापिटल लिमिटेड नियुक्त भएको छ ।
आइएमई लिमिटेडको मुख्यालय पानीपोखरीमा आयोजित कार्यक्रममा आइएमईका प्रमुख कार्यकारी अधिकृत खिलेन्द्र पौडेल र प्रभु क्यापिटल लिमिटेडका प्रमुख कार्यकारी अधिकृत आशिष गौचनले निष्कासन तथा बिक्री प्रबन्धक नियुक्तिसम्बन्धी सम्झौतामा हस्ताक्षर गरेका हुन् ।
कम्पनीले आफ्नो जारी पुँजी एक अर्ब रुपैयाँको १० प्रतिशतले हुन आउने १० लाख कित्ता साधारण सेयर (आइपिओ) सर्वसाधारणका लागि सार्वजनिक निष्कासन गर्न लागेको जनाएको छ ।
आइएमईले २२ वर्षदेखि रेमिट्यान्स सेवाप्रदायकको काम गर्दै आएको उल्लेख छ । रेमिट्यान्स व्यवसायहरूमध्येबाट सबैभन्दा बढी कर तिरेका आधारमा पटक–पटक ‘ठूला करदाता सम्मान’बाट पुरस्कृत हुँदै आएको आइएमईले जनाएको छ ।