- वि.सं २o७९ चैत २५ शनिबार
ताप्लेजुङमा डोको बोकेर कुद्ने प्रतियोगिता (डोको क्यारी रन)को उपाधि फक्ताङलुङ गाउँपालिका– ३ का रमेश लिम्बूले जितेका छन्।
जारी दोस्रो ताप्लेजुङ औद्योगिक कृषि तथा पर्यटन मेलाको अन्तिम दिन शनिबार भएको प्रतियोगिताको उपाधि लिम्बूले हात पारेका हुन्। उनले निर्धारित १३ किलोमिटर दूरी १ घण्टा ४ मिनेट ३१ सेकेन्डमा पार गरे।
१ घण्टा ४ मिनेट ४४ सेकेन्डमा निर्धारित दूरी पार गर्दै माैवाखोलाका प्रकाश लिम्बू दोस्रो हुँदा चन्द्रबहादुर कार्की तेस्रो स्थानमा आए। कार्कीले १ घण्टा ५ मिनेट ३० सेकेन्डमा दूरी पार गरेका थिए।
प्रतियोगितामा प्रथम, दोस्रो तथा तेस्रो हुनेले क्रमशः ३० हजार, २० हजार र १० हजार रुपैयाँसहित प्रमाणपत्र पाउने आयोजक समितिका अध्यक्ष राजेन्द्र भरतीले बताए।
