तुलसीपुरमा १६ वर्षीया किशोरी बलात्कृत

Read Time : < 1 मिनेट

दीपक बोहरा, दाङ

नयाँ पत्रिका

२o८१ बैशाख २१ शुक्रबार ११:२३:oo

दाङ तुलसीपुरमा एक किशोरी बलात्कृत भएकी छिन् । तुलसीपुर– १८ स्थित डुरुवा खोलामा १६ वर्षकी एक किशोरीलाई चैत १६ गते रातको ८ बजे बलात्कार गरेको प्रहरीले जानकारी दिएको छ । सल्यानको छत्रेश्वरी गाउँपालिका– २ दमाचौरनिवासी २१ वर्षका लक्ष्मण विकले बलात्कार गरेको प्रहरीले बताएको छ ।

जाहेरी भने बिहीबार आएको हो । जाहेरी आएपछि सल्यान प्रहरीलाई समेत खबर गरेर आरोपीको खोजी कार्य जारी राखेको इलाका प्रहरी कार्यालय तुलसीपुरका प्रहरी निरीक्षक पर्वत केसीले जानकारी दिए ।

केही दिनअघि मात्रै शान्तिनगर– ७ स्थित शिवशक्ति मावि धनौरीका शिक्षकले एसइई दिने छात्रामाथि करणी गरेको उजुरी परेको थियो । तर, ती शिक्षक अझै पक्राउ पर्न सकेका छैनन् ।

#किशोरी # बलात्कृत