मुख्य समाचार डिजिटल संस्करण

अर्थमन्त्री डा‍. महत र अमेरिकी राजदूतबीच शिष्टाचार भेट

अर्थमन्त्री डा. प्रकाशशरण महतसँग नेपालका लागि अमेरिकी राजदूत डिन आर थम्पसनबीच शिष्टाचार भेट भएकाे छ। आज मन्त्रालयमा भएको भेटमा दुई देशबीच सहयोगको दायरा अझ फराकिलो बनाउने विषयमा छलफल भएकाे छ।  

कुन–कुन क्षेत्रमा अमेरिकाले थप अनुदान सहयोग उपलब्ध गराउन सक्छ भन्ने विषयमा मन्त्री डा. महत र राजदूत थम्पसनबीच छलफल भएको मन्त्री डा. महतले बताए।  

मिलेनियम च्यालेन्जर कर्पोरेसन (एमसिसी) र अमेरिकी सहयोग नियोग (युएसएड) मार्फत अमेरिकाले नेपालमा अनुदान थप्न इच्छुक रहेको तथा नयाँ परियोजनामा लगानी गर्न अमेरिका तयार रहेको भेटपछि मन्त्री डा. महतले बताए।  

अर्थमन्त्री डा. महतले भने, ‘नेपालको आर्थिक विकासमा अमेरिकी सहयोग महत्वपूर्ण रहेको छ, अहिले पनि आर्थिक समृद्धिका लागि नेपालले कुन क्षेत्रमा लगानी खोजेको हो, त्यसमा अनुरोध आओस् भन्ने अमेरिकाले चाहेको छ।’ 

भेटका क्रममा अमेरिकी सरकारको अनुदान सहयोगका लागि मन्त्री डा. महतले राजदूत थम्पसनलाई धन्यवाद दिए।