- वि.सं २o८१ बैशाख १९ बुधबार
नेपालस्थित अमेरिकी अन्तर्राष्ट्रिय विकास नियोग युएसएआइडीले ‘स्वास्थ्य क्षेत्रमा प्रत्यक्ष वित्तीय प्रबन्ध परियोजना’ शुभारम्भ गरेको छ ।
नेपालको स्वास्थ्य तथा जनसंख्या मन्त्रालयसँगको साझेदारीमा दुई करोड ५० लाख अमेरिकी डलर (करिब तीन अर्ब २७ करोड रुपैयाँ) बजेटसहितको सो परियोजनाको सोमबार आधिकारिक रूपमा शुभारम्भ गरिएको हो ।
परियोजनाले दसौँ लाख नेपालीको स्वास्थ्य सुधारका निम्ति संघीय स्वास्थ्य तथा जनसंलख्या मन्त्रालय, कर्णाली प्रदेशको सामाजिक विकास मन्त्रालय र सोही प्रदेशका तीन स्थानीय सरकारहरू (गुराँस गाउँपालिका, वीरेन्द्रनगर नगरपालिका र भेरीगंगा नगरपालिका)लाई वित्तीय सहायता प्रदान गर्ने बताइएको छ ।
