मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० फाल्गुण १७ बिहीबार
  • Thursday, 29 February, 2024
सौरभ यादव राजविराज
२०७९ चैत १७ शुक्रबार १४:१०:००
Read Time : < 1 मिनेट
समाचार डिजिटल संस्करण

राजीनामाकाे तयारीमा खानेपानीमन्त्री, जनमत प्रदेश सरकारबाट पनि बाहिरिने !

Read Time : < 1 मिनेट
सौरभ यादव, राजविराज
२०७९ चैत १७ शुक्रबार १४:१०:००

सिके राउत नेतृत्वको जनमत पार्टीका मन्त्रीले राजीनामा दिने भएका छन् । जनमतबाट खानेपानीमन्त्री अब्दुल खानले राजीनामा दिने तयारी गरेका हुन् ।

राजीनामा बुझाउन उनी अहिले बालुवाटार पुगेका छन् । जनमत पार्टीका नेता बिपी साहका अनुसार अहिले बालुवाटारमा छलफल भइरहेको छ।

जनमत पार्टीले उद्योग मन्त्रालय दाबी गर्दै आएको थियो । मन्त्रिपरिषद् विस्तारका क्रममा उक्त मन्त्रालय नपाउने भएपछि खानले राजीनामा दिन लागेका हुन्।

केन्द्रमा उद्योग मन्त्रालय नपाए मधेस प्रदेश सरकारबाट समेत बाहिरिनेसम्मको तयारीमा पुगेको जनमतका एक नेताले बताएका छन् । खानेपानी मन्त्रालय नेसपालाई दिएर उद्योग जनमतले पाउने चर्चा थियो । यद्यपि, उद्योग मन्त्रालय नेपाली कांग्रेसले पाएको छ ।