- वि.सं २o७९ चैत ८ बुधबार
ताप्लेजुङको पाथीभरालगायत हिमाली क्षेत्रमा हिमपात भइरहेको छ। तीन दिनदेखि लगातारको वर्षापछि यो वर्ष जिल्लामा दोस्रोपटक हिमपात भएको हो।
पाथीभरा मन्दिर क्षेत्रमा करिब डेढ फुट हिउँ परेको छ भने मथिल्लो फेदीमा केही मात्रामा हिउँ परिरहेको पाथीभरा क्षेत्रका होटेल व्यवसायी इन्द्रनारायण भट्टराईले बताए। हिमपातका कारण वृद्धवृद्धा र बालबालिकालाई समस्या भए पनि गुराँसका डालीमा परेको हिउँले पर्यटकहरू मुग्ध भएका छन्।
मानाभारा, जलजलेलगायत जिल्लाका डाँडाकाँडाहरू सेताम्मे देखिएका छन्। हिउँदमा कालापत्थर बनेका पहाडहरू अहिले हिउँले ढाकेका छन्।
