- वि.सं २o७९ चैत ४ शनिबार
उद्योग वाणिज्य संघ गोडैताका अध्यक्ष जितेन्द्र हजरा मृत फेला परेका छन् । गोडैता नगरपालिका– ८ का हजराको शव शनिबार दिउँसो घरदेखि करिब तीन सय मिटर उत्तर–पूर्वतर्फ रहरी घारीमा फेला परेको प्रहरीले जनाएको छ ।
परिवारका अनुसार उनी शुक्रबार साँझदेखि बेपत्ता थिए । करिब ४५–५० वर्षका गोडैता बजारमा एल्बेस्टरको व्यापार गर्दै आएका थिए । उनको हत्या भएको आशंका गरिएको छ । सर्लाहीका प्रहरी उपरीक्षक नरेशराज सुवेदीेले प्रहरी टोली घटनास्थलमा पुगेर अनुसन्धान गरिरहेको जानकारी दिए ।
