- वि.सं २o७९ फाल्गुण २१ आइतबार
स्वावलम्बन लघुवित्त वित्तीय संस्थाले सेयरधनीलाई १५ प्रतिशत बोनस र ६.०५ प्रतिशत नगद (कर प्रयोजनार्थसहित) गरी २१.०५ प्रतिशत लाभांश वितरण गर्ने प्रस्ताव पारित गरेको छ ।
सञ्चालक समितिकी अध्यक्ष डा. सुमित्रा मानन्धर गुरुङको अध्यक्षतामा बसेको संस्थाको २१औँ वार्षिक साधारणसभाले उक्त प्रस्ताव पारित गरेको हो । संस्थाले आर्थिक वर्ष ०७८/७९ मा २९ करोड पाँच लाख १४ हजार खुद नाफा आर्जन गरेको छ ।
चालू आवको पुस मसान्तसम्म ६१ जिल्लाका एक सय ४५ शाखा–उपशाखा कार्यालय तथा नौवटा इलाका कार्यालयमार्फत दुई लाख ६३ हजार ७० महिला ग्राहक सदस्यहरूलाई लघुवित्त सेवा प्रदान गर्दै आएको छ । सो अवधिमा वित्तीय संस्थाको लगानी २० अर्ब ७० करोड ५० लाख पुगेको छ भने सदस्यको बचत १२ अर्ब ६९ करोड सात लाख रुपैयाँ रहेको छ ।
