- वि.सं २०७९ चैत १७ शुक्रबार
अमेरिकामा भएका गोली प्रहारका घटनामा सोमबार मात्र कम्तीमा पनि ६ जनाको ज्यान गएको छ । अमेरिकाको क्यालिफोर्नियामा ती गोली प्रहार र हत्या भएका हुन् ।
क्यालिफोर्नियाको टुलारे काउन्टीमा भएको गोली प्रहारमा परेर एक १७ वर्षीया युवती र उनकी ६ महिनाकी छोरीको पनि ज्यान गएको छ ।
त्यस्तै, सोही काउन्टीमा अर्का चारजनालाई घरमै बोलाएर हत्या गरिएको बताइएको छ । एक व्यक्तिको घरमा भएको सो हत्याकाण्डमा परेर अर्का एकजना घाइते भएका छन् । उनको अस्पतालमा उपचार भइरहेको बताइएको छ।
ती हत्याकाण्डमा संलग्न रहेको आशंकमा दुईजनालाई पक्राउ गरिएको छ । पक्राउ पर्नेहरू कुनै समूहसँग सम्बन्धित रहेका र समूहसँगको सम्पर्कका कारण हत्या भएको अनुमान गरिएको बताइएको छ ।
