- वि.सं २o८१ बैशाख २० बिहीबार
सानैदेखि सिनेमामा अभिनय गर्ने सपना थियो । मेरी आमा पनि सिनेमा लभर हुनुहुन्छ । आमाले फिल्म देखाउन लैजानुहुन्थ्यो । यसकारण सानैदेखि सिनेमाको लत बस्यो । त्यसैले कान्तिपुर फिल्म एकेडेमीबाट अभिनय अध्ययन गरेँ । त्यसपछि केही म्युजिक भिडियो र वेब सिरिजमा काम गरेँ ।
तर, मैले सिनेमामा डेब्यु गर्न पाएको थिइनँ । मैले डेब्युमै ‘महापुरुष’जस्तो सिनेमामा काम गर्न पाएँ । यो सिनेमामा मेरो ‘च्यालेन्जिङ’ क्यारेक्टर थियो । मदनकृष्ण श्रेष्ठ, हरिवंश आचार्य, गौरी मल्लजस्ता दिग्गज कलाकाहरूसँग काम गर्न पाएँ । उहाँहरूसँग काम गर्दा मैले जीवनलाई अझ नजिकबाट नियाल्न सिकेँ ।
उहाँहरू कलाकारितामा मिहिनेत र इमानदारिताको पर्याय हुनुहुन्छ । उहाँहरूबाट अनुशासन पनि सिकेँ । सिनेमामा उहाँहरूको ठूलो योगदान छ । उहाँहरूसँग काम गर्दा नयाँ ऊर्जा आउँछ । दुई महिना सँगै काम गर्दा कहिल्यै मुड अफ भएन ।
