मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० फाल्गुण १४ सोमबार
  • Monday, 26 February, 2024
२०७९ मङ्सिर २७ मंगलबार ११:४६:००
Read Time : < 1 मिनेट
अर्थ प्रिन्ट संस्करण

अपर तामाकोसीको हकप्रद सेयर सहबिक्री प्रबन्धकमा सन्राइज क्यापिटल

Read Time : < 1 मिनेट
२०७९ मङ्सिर २७ मंगलबार ११:४६:००

अपर तामाकोसी हाइड्रोपावर लिमिटेडले १ः१ को अनुपातमा जारी गर्न लागेको हकप्रद सेयर निष्कासनका लागि बिक्री प्रबन्धक नागरिक लगानी कोषले सन्राइज क्यापिटललाई सहबिक्री प्रबन्धकमा नियुक्त गरेको छ । 

अपर तामाकोसीले साबिकका सेयरधनीलाई प्रतिसेयर एक सय रुपैयाँका दरले १० अर्ब ५९ करोड रुपैयाँबराबरको १० करोड ५९ लाख कित्ता हकप्रद सेयर निष्कासन गर्न लागेको हो । यसका लागि कम्पनीले नागरिक लगानी कोषलाई सेयर निष्कासन तथा बिक्री प्रबन्धक नियुक्त गरेको थियो ।

नागरिक लगानी कोष र अपर तामाकोसी हाइड्रोपावर लिमिटेडबीच हकप्रद सेयर निष्कासन तथा बिक्री प्रबन्ध सेवा प्रदान गर्नका लागि दुईपक्षीय सम्झौतापछि कोषले आफू मुख्य निष्कासन तथा बिक्री प्रबन्धक भई सन्राइज क्यापिटल लिमिटेडलाई सहनिष्कासन तथा बिक्री प्रबन्धकका रूपमा नियुक्त गरेको जनाइएको छ ।