- वि.सं २o७९ मङ्सिर १० शनिबार
प्रतिनिधिसभा सदस्यका लागि भएको निर्वाचनमा मोरङ क्षेत्र नम्बर १ बाट कांग्रेस उम्मेदवार डिगबहादुर लिम्बू विजयी भएका छन् ।
एमाले उम्मेदवार घनश्याम खतिवडालाई चार सय ३० मतले पराजित गर्दै लिम्बू प्रतिनिधिसभा पुगेका हुन् । उनी मोरङ कांग्रेसका सभापति पनि हुन् ।
निर्वाचन कार्यालयका अनुसार लिम्बूले २७ हजार २९७ मत ल्याउँदा खतिवडाले २६ हजार ८६७ मत ल्याएका छन् ।
०७४ मा भएको प्रतिनिधिसभा निर्वाचनमा लिम्बू खतिवडासँग ६ हजार मतले पराजित भएका थिए । त्यसवेला खतिवडा तत्कालीन एमाले र माओवादीबीचको वाम गठबन्धनबाट उम्मेदवार बनेका थिए ।
