फागुन १७ देखि २३ गते सम्मको साप्ताहिक राशिफल

ज्योतिष तथा वास्तुविद् सुरेशचन्द्र रिजालले तयार पारेको फागुन १७ गते शनिबारदेखि २३ गते शुक्रबारसम्मको साप्ताहिक राशिफल पढ्नुहोस् 

मेष (चु, चे, चो, ला, लि, लु, ले, लो, अ) : साताको प्रारम्भमा नातेदारले अपमानित तुल्याउन सक्छन् । जीवनसाथी वा बालबच्चासँग कुराकानी गरी व्यावहारिक जानकारी लिनु राम्रो हुनेछ । बिहीबारदेखि आम्दानी बढ्नाले जीवनशैलीमा सुधार ल्याउन सकिनेछ । आर्थिक समस्या निराकरण गर्ने उपाय पत्ता लाग्नेछ । साताको अन्त्यमा महत्वपूर्ण अवसर गुम्न सक्नेछ । यात्रामा सावधानी पनि अपनाउनुपर्नेछ । 

वृष (इ, उ, ए, ओ, बा, बि, बु, बे, बो) : आत्मविश्वास र शीघ्र निर्णय गर्ने क्षमता अभिवृद्धि हुनेछ । रोकिएका कामसमेत सम्पादन हुनेछन् । पढाइमा पनि राम्रै प्रगति हुनेछ । कसैलाई ज्ञान र अर्ती दिए लाभ हुनेछ । बुधबारदेखि प्रतिस्पर्धीहरूले औँला ठड्याउने अवसर पाउनेछन् । विलासिता र मनोरञ्जनका लागि समय र धन खर्च हुनसक्छ । सप्ताहान्तमा नयाँ सवारीसाधन खरिदबिक्रीबाट लाभ मिल्नेछ । 

मिथुन (का, कि, कु, घ, ङ, छ, के, को, ह) : घरपरिवारमा खुसीको वातावरण सिर्जना हुनेछ । मित्रजनबाट साथ सहयोग मिल्नुका साथै नयाँ कार्यको थालनी हुनेछ । राजनीतिक कार्यमा सफलता मिल्नेछ । महिला वा मित्रबाट विशेष सहयोग पनि मिल्नेछ । सप्ताहान्तमा भाग्यले साथ दिनेछ । नयाँ मित्रताबाट भरपूर साथ मिल्नेछ । रमाइलो यात्रा र अतिरिक्त आम्दानी हुनेछ । 

कर्कट (हि, हु, हे, हो, डा, डि, डु, डे, डो) : साताको प्रारम्भमा पारिवारिक समस्याका कारण घरबाहिर जानुपर्ने सम्भावना देखिन्छ । सामाजिक र परोपकारका मार्गमा अवरोध हुनेछ ।  विचार पु¥याएर मात्रै बोल्नु राम्रो हुनेछ । छोराछोरीबाट सन्तोष प्राप्त हुनेछ । साताको अन्त्यमा अन्तिममा मनोरञ्जनका लागि समय र धन खर्च हुन सक्छ । आमा वा मामाको स्वास्थ्यमा नकारात्मक असर पर्न सक्ने योग छ । 

सिंह (मा, मि, मु, मे, मो, टा, टि, टु, टे) : दीर्घकालिक योजनालाई मूर्त बनाउन चिन्तन महत्वपूर्ण बन्न सक्छ । वैदेशिक रोजगारी गर्नेेहरूले घरायसी कुरा सम्झेर समय बिताउनेछन् । आकस्मिक रूपमा स्वास्थ्यमा समस्या आउन सक्छ । बिहीबारपछि अध्ययन, अध्यापन र लेखन कार्यमा उच्च सफलता प्राप्त हुने छ । व्यावहारिक र प्राविधिक काममा विशेष सफलता प्राप्त हुने छ । 

कन्या (टो, प, पि, पु, ष, ण, ठ, पे, पो) : आत्मविश्वासमा अभिवृद्धि हुनेछ । व्यापारमा लगानी गर्नेहरूले सोचेजस्तै लाभ लिन सक्नेछन् । आर्थिक लगानी बढाउँदा नाफा हुने देखिन्छ । बिहीबारपछि घरायसी कामधन्दा र पारिवारिक आवश्यकता पूर्तिका लागि खट्नु पर्नेछ । प्रतिस्पर्धीहरू समेत सहयोगीका रूपमा देखापर्नेछन् । विभिन्न भौतिक साधन जुट्नेछन् । वैदेशिक यात्रा सफल हुने छ । 

तुला (र, रि, रु, रे, रो, ता, ति, तु, ते) :  शुभ समाचार प्राप्त हुनाले मन फुरुंग हुनेछ । समयलाई उपयोग गर्न सके राम्रो फाइदा लिन सकिनेछ । वैदेशिक सहयोग मिल्नुका साथै सफल यात्राको योग रहेकाले सोचेअनुसार फाइदा पुग्ने छ  । सप्ताहान्तमा विद्यार्थीका लागि सुखद समाचार आउला । शैक्षिक यात्राको प्रक्रिया अघि बढ्नेछ । धनार्जनका नयाँ स्रोतहरू पत्ता लाग्नेछन् । 

वृश्चिक (तो, ना, नि, नु, ने, नो, या, यि, यु) : नयाँ उद्योगधन्दा वा व्यवसायको थालनी गरेमा व्यावहारिक रूपमा फाइदा पुग्नेछ । अलि जोखिमपूर्ण जिम्मेवारी प्राप्त हुनाले सावधानीका उपाय अवलम्बन गर्नुपर्नेछ । महत्वपूर्ण सूचना चुहावट हुन सक्ने भएकाले विशेष सावधानी अपनाउनुपर्नेछ । साताको अन्त्यमा लेनदेन र हिसाबकिताबमा सावधान नहुँदा बीचमा केही विवाद हुन सक्छ । 

धनु (ये, यो, भ, भि, भु, ध, फा, ढ, भे) : विगतमा भएका राम्रा कार्यको स्मरण हुनेछ । राज्यपक्षबाट सम्मानित हुने अवसर पाइनेछ । घुमघाम र मनोरञ्जनका क्रममा निराशा भोग्नुपर्छ । क्रोध, प्रतिशोध, रिसरागमाथि नियन्त्रण गर्नु राम्रो हुनेछ । नियमित कामधन्धा र व्यवसायबाट राम्रो फाइदा हुनेछ । साताको अन्त्यमा गुमेको वा सापटीमा गएको धन फिर्ता आउनेछ । सहयोगीहरूले सकेको सहयोग गर्नेछन् ।

मकर (भो, ज, जि, खि, खु, खे, खो, गा, गि) : सुरुमा मातापिताको आशीर्वचन र सल्लाह प्राप्त हुनेछ ।  लामो दूरीको लाभदायक यात्राको सम्भावना छ । सामाजिक र पारिवारिक सम्बन्ध सुदृढ हुनेछ । सामाजिक कामबाट प्रशंसा प्राप्त हुनेछ । सहयोगीहरूले सकेको सहयोग गर्नेछन् । सप्ताहान्तमा स्वास्थ्यमा मौसमी गडबडी देखापर्न सक्छ । सोखले खर्च गराए पनि उद्देश्य पूरा नहुन सक्छ । 

कुम्भ (गु, गे, गो, सा, सि, सु, से, सो, द) : योजना कार्यान्वयनमा ढिलाइ गर्नाले पछि परिनेछ । सम्पत्ति हराउने र साँझमा खर्च बढ्न सक्छ । नयाँ ज्ञान प्राप्त हुने योग छ । सप्ताहान्तमा आगन्तुकले अलमल्याउने हुँदा चिताएको काममा पनि बाधा पुग्न सक्छ । इच्छाएको जिम्मेवारी प्राप्त हुन सक्छ । खानपानमा खर्च गर्न मन हौसिन्छ । पशुपालक र दुग्धव्यवसायमा संलग्नहरूले मनग्य लाभ प्राप्त गर्नेछन् ।

मीन (दि, दु, थ, झ, ञ, दे, दो, च, चि) : प्रशस्त धन आर्जन गर्ने अवसर पाउनुहुनेछ । उठ्नुपर्ने रकम हातलागी हुनेछ । बिहीवारदेखि श्रम र व्यवसायबाट मनग्य आम्दानी हुनेछ । सप्ताहान्तमा पारिवारिक समस्यालाई हल गर्न तल्लीन हुनुपर्ने छ । बौद्धिक र प्राज्ञिक क्षेत्रमा खिन्नता बढ्नेछ । साथीभाइ र नातेदारबाट उपयोगी सल्लाह र सहयोग प्राप्त हुनेछ । राज्यपक्षबाट लाभ प्राप्त हुनेछ ।