- वि.सं २o८१ पौष २३ मंगलबार
खराब मौसकका कारण मंगलबार हवाई सेवा प्रभावित भएको छ। त्रिभुवन विमानस्थलस्थित नागरिक उड्डयन प्राधिकरणका अनुसार मंगलबार ३० वटा आन्तरिक उडान रद्द भएका छन्।
बुद्ध एयरका मात्र १७ वटा उडान रद्द भए। बुद्धको भैरहवाका ६, नेपालगन्ज र जनकपुरका ४/४ तथा सिमराका तीन उडान रद्द भएका छन्।
त्यस्तै, यती एयरलाइन्सको भैरहवाका दुई र सिमरा, नेपालगन्ज, जनकपुर र विराटनटरका १/१ उडान हुन सकेनन्। श्री एयरलाइन्सका नेपालगन्ज तीन, भैरहवा दुई र भरतपुर र सुर्खेतका १/१ उडान रद्द भएको नागरिक उड्डयन प्राधिकरणले जनाएको छ। तराईका जिल्लामा बाक्लो हुस्सुका कारण नियमित उडानहरू रद्द भएका हुन्।
