- वि.सं २o८१ पौष २४ बुधबार
सल्यानको वनगाड कुपिन्डे नगरपालिकामा दिदीबहिनी आफ्नै घरमा मृत्त फेला परेका छन्। वनगाड कुपिन्डे नगरपालिका–११, गलगोलका अन्दाजी तीनवर्षीया करिष्मा र ६ महिनाकी रागवी राना बुधबार दिउँसो घरमा मृत फेला परेका हुन्।
स्वास्थ्यमा कुनै समस्या नभएका दिदीबहिनीको मृत्यु शंकास्पद रहेको जिल्ला प्रहरी कार्यालय सल्यानले जनाएको छ। घटना शंकास्पद भएकाले आमा पूर्णिमा रानालाई नियन्त्रणमा लिएको जिल्ला प्रहरी कार्यालय सल्यानका प्रहरी प्रमुख प्रहरी नायब निरीक्षक केशरकुमार न्यौपानेले जानकारी दिए। उनीहरूका बाबु कामको सिलसिलामा जिल्लाबाहिर रहेका छन्। घटनाको अनुसन्धान भइरहेको प्रहरीको भनाइ छ।
