- वि.सं २o८१ पौष ३ बुधबार
नेपाल प्रिमियर लिग (एनपिएल) अन्तर्गत पहिलो क्वालिफायरमा जनकपुर बोल्ट्सले सुदूरपश्चिम रोयल्सविरुद्ध पहिला टस जितेर ब्याटिङ गर्ने भएको छ । कीर्तिपुरस्थित त्रिवि क्रिकेट मैदानमा जनकपुरका कप्तान आसिफ शेखले टस जितेर ब्याटिङको निर्णय लिए ।
यसअघि कप्तानी गरेको अनिल शाह भने घाइते भएपछि विश्राममा छन् । यो खेलमा जित निकाल्ने टोलीले सीधै फाइनलमा स्थान सुरक्षित गर्नेछ भने हार व्यहोर्ने टोलीले पनि एक मौका पाउनेछ । हार व्यहोर्ने टोलीले दोस्रो क्वालिफायरमा कर्णाली याक्सको सामना गर्नेछ ।
