Skip This
दार्चुलामा जिप दुर्घटना हुँदा ६ जनाको घटनास्थलमै मृत्यु भएको छ । मालिकार्जुन जात्राबाट गोकुलेश्वरतर्फ गइरहेको म.१ज ३३८ नम्बरको जिप आज बिहान ४ बजे शैल्यशिखर नगरपालिका– ५ मा पर्ने सिराडको खोलामा दुर्घटना भएको हो ।
जिप दुर्घटनामा परेर ६ जनाको मृत्यु भएको र अन्य ६ जना घाइते भएका दार्चुलाका प्रमुख जिल्ला अधिकारी यज्ञराज जोशीले जानकारी दिए । जात्रा हेरेर फर्किएकाहरू सवार जिप दुर्घटनामा परेकाे प्रजिअ जोशीले बताए ।
घाइते सबैको अवस्था गम्भीर रहेको छ । मृतकको सनाखत पनि हुन सकेकाे छैन । घाइतेहरूलाई गोकुलेश्वर अस्पताल पठाइएको छ । दुर्घटनाको कारण र जिपमा कतिजना यात्रु सवार थिए भन्ने खुल्न सकेको छैन । घटनाबारे विस्तृत विवरण आउन बाँकी नै छ ।
2024-09-18-01-30-27.gif)
2024-09-18-01-30-29.gif)
