पूजा सामग्रीसहित छठघाटमा (तस्बिरहरू)

लोकआस्थाको महापर्व छठमा आज अस्ताउँदो सूर्यलाई अर्घ दिइँदै छ। अर्घ दिन तयार पारिएको ठकुवा, भुस्वा, खजुरिया, झुप्पावाला केरा, उखुसहितका विभिन्न पूजा सामग्री लिएर मानिसहरू छठघाट पुगेका छन्।

दुलहीझैँ सजाइएको पोखरी, नदी र तलाउमा पूजा सामग्री राखिएको छ। सिराहाको दुर्गा पोखरी, राजदेवी, पञ्चमुखी हनुमानजी, गोरियारीसँगै कमला, बलान, मैनाबत्ती, खुट्टी नदीमा चहलपहल बढेको छ।

यता, जनकपुरधामको गंगासागर, धनुषसागर, वीरगन्जको घडिअर्वा, माईपोखरी, राजविराजको छिन्नमस्तामा पनि विशेष तयारी गरिएको छ।