रुसले सन् २०१४ मा युक्रेनबाट आफूमा गाभेको क्राइमियालाई रुससँग जोड्ने मुख्य पुलमा शक्तिशाली कारबम विस्फोट भएको मस्कोका अधिकारीले शनिबार जानकारी दिएका छन् ।
स्थानीय समयानुसार शनिबार बिहान ६ बजे क्राइमियालाई रुसको मुख्य भूमिसँग जोड्ने पुलको सडक ट्राफिकछेउ एक कारबम विस्फोट भएको रुसी समाचार एजेन्सीले जनाएका छन् ।
रुसी राष्ट्रपति भ्लादिमिर पुटिनको आदेशमा निर्माण भएको र सन् २०१८ मा उद्घाटन गरिएको यो पुल युक्रेनमा रुसी सैनिक र सैन्य उपकरण आपूर्ति गर्ने एक प्रमुख मार्ग रहिआएको छ । रुसले यो घटनाको छानबिन गर्न एक समिति नै गठन गरेको छ ।
See More On
