दैलेखको चामुण्डाबिन्द्रासैनी नगरपालिकाको मेयरमा नेपाली कांग्रेसका गणेशबहादुर शाही विजयी भएका छन् । शाहीले नेकपा एमालेका सूर्यबहादुर शाहीलाई पराजित गर्दै विजयी भएका हुन् ।
मेयरमा विजयी शाहीले चार हजार ७० मत प्राप्त गरेको जिल्ला निर्वाचन कार्यालय दैलेखले जनाएको छ । एमालेका सूर्यबहादुर शाही तीन हजार नौ सय ९२ मत प्राप्त गर्दै पराजित भएका छन्।
यस्तै, चामुण्डाबिन्द्रासैनी नगरपालिकाको उपमेयरमा नेपाली कांग्रेसका मनसरा कुमारी शर्मा विजयी भएकी छिन् । शर्मा चार हजार ३८ मत प्राप्त गर्दै उपमेयरमा विजयी भएकी छिन् भने एमालेका नन्दाकुमारी विष्टले तीन हजार नौ सय ९६ मत प्राप्त गरी पराजित भएकी हुन् ।
०७४ मा भएको स्थानीय तहको निर्वाचनमा चामुण्डाबिन्द्रासैनी नगरपालिकामा मेयर–उपमेयरमा एमालेले जित हात पारेको थियो ।
See More On
