शुक्रबार भएको स्थानीय तहमा देशभर ६४ प्रतिशत मतदान भएको निर्वाचन आयोगले जनाएको छ ।प्रमुख निर्वाचन आयुक्त दिनेश थपलियाले दिएको जानकारीअनुसार काठमाडौंमा मात्रै ५२ प्रतिशत मतदान भएको छ ।
मतदान भएका स्थानमा ७४ प्रतिशतसम्म मतदान भएको आयोगको भनाइ छ । निर्वाचनका क्रममा छिटफुट र केही अप्रिय घटना भए पनि शान्तिपूर्ण रूपमा निर्वाचन सम्पन्न भएको आयोगको ठहर छ । आयुक्त थपलियाले शान्तिपूर्ण रूपमा निर्वाचन सम्पन्न गर्न सहयोग पुर्याउने सबैलाई धन्यवाद दिए ।
थपलियाका अनुसार १४ जिल्लाका १७ स्थानीय तहका २८ स्थानका ४४ मतदान केन्द्रको निर्वाचन स्थगित भएको छ । राजनीतिक दलको विवाद र मौसम प्रतिकूलताका कारण स्थगित भएका केन्द्रमा वस्तुस्थिति हेरेर निर्वाचन गर्ने आयोगले जनाएको छ । अपेक्षाअनुसार मतदान नभएको आयोगको ठहर छ ।
See More On
