ह्वावेले अप्रिल २६, २०२२ मा १९औँ वार्षिक ग्लोबल एनालिस्ट शिखर सम्मेलन सेन्जेनमा सुरु गरेको छ। एक हाइब्रिड कार्यक्रम रहेको शिखर सम्मेलनले उद्योग विश्लेषक, वित्तीय विश्लेषक, प्रमुख नेताहरू र विश्वभरका मिडिया प्रतिनिधिहरूलाई भविष्यको उद्योग प्रवृत्ति र ह्वावेको विकास रणनीतिबारे थप जान्नको लागि भेला गरेको हो।
कार्यक्रममा ह्वावेका रोटेटिंग अध्यक्ष केन हुले इनोभेसन र ग्रिनर इन्टेलिजेन्ट संसारको निर्माण गर्न ह्वावेको दृष्टिकोणबारे बोलेका थिए।
“हामी इनोभेसनको लागि हाम्रो दृष्टिकोणलाई बलियो बनाउनेछौँ, सबै उद्योगहरूलाई डिजिटल र इन्टेलिजेन्ट बनाउन सुसज्जित गर्नेछौँ र लो–कार्बन विश्व निर्माण गर्न मद्दत गर्नेछौँ, हुले भने, “यी हाम्रो कम्पनीको भावी विकासको लागि महत्वपूर्ण छन्।”
अब अर्को विकास वायरलेस र फिक्स्ड नेटवर्कहरूमा हुने उनले बताए। एकैसाथ, यसले घरहरूमा थप इमर्सिभ अनुभवका साथै औद्योगिक नियन्त्रण परिदृश्यहरूको लागि लो ल्याटेन्सी र हाई रिलाएबिलिटी समावेश गरी फराकिलो दायराको निस नेटवर्क आवश्यकताहरूलाई समर्थन गर्ने ह्वावेले जनाएको छ।
ह्वावे क्लाउडलाई आधारभूत मानेर ह्वावेले “एभ्री थिंग एज अ सर्भिस” प्रदान गर्ने, पूर्वाधार, प्रविधि र विशेषज्ञतालाई क्लाउड–आधारित सेवाहरूमा परिणत गर्ने र विभिन्न उद्योगहरूमा ग्राहकहरूको लागि क्लाउड माइग्रेसनलाई सजिलो बनाउने लक्ष्य राखेको छ।
ह्वावेले विशेष उद्योगहरूलाई ध्यान केन्द्रित गरी एकीकृत टोली पनि निर्माण गरिरहेको छ, विशेषज्ञहरूको एक विशेष समूहलाई ग्राहकहरूको व्यापारिक चुनौतीतिर नजिक ल्याउँदै र होराइजन्टल रिसोर्सेस, अर्थात्, साझेदारहरूबाट उत्पादन र क्षमताहरूलाई थप कडाइका साथ समावेश गर्दै छ।
ह्वावेले नवीकरणीय ऊर्जाको उत्पादनलाई बढावा दिने प्रयाससमेत गरेको जनाएको छ। ह्वावेले ग्रिन आइसिटी पूर्वाधारका लागि प्रणाली–स्तरको लो –कार्बन सोलुसनहरू पनि वायरलेस बेस स्टेसनहरू र डाटा केन्द्रहरूमा ध्यान केन्द्रित गर्दै विकास गरिरहेको छ।
“हामीले ग्राहक र समाजका लागि भ्यालु सिर्जना गर्दै ननस्टप इनोभेसनमार्फत कार्यहरूलाई निरन्तरता दिइरहनुपर्छ”, केन हुले भने, “हामी हाम्रो ग्राहक र साझेदारहरूसँग एक ग्रिनर इन्टेलिजेन्ट संसार निर्माण गर्नको लागि अधिक निकटबाट काम गर्न तत्पर छौँ।”
आफ्नो इनोभेसन रणनीतिको अतिरिक्त ह्वावेले भविष्यका लागि आफ्नो दूरगामी दृष्टिकोण र त्यहाँ पुग्नको लागि गरिरहेको केही अन्वेषणहरू पनि सेयर गरेको छ। आफ्नो मन्तव्यमा ह्वावेको रणनीतिक अनुसन्धान संस्थानका अध्यक्ष डा. झोउ होङले भने, “आज हामीले कल्पना गरेका सबै कुरा भोलि बढी रूढिवादी – अलि थोरै – हुने सम्भावना छ। हामीले साहसी परिकल्पनाहरू र साहसी भिजनका साथ भविष्यलाई भेट्नुपर्छ र सिद्धान्त र प्रविधिमा रहेका अवरोधहरू तोड्नका लागि आँधीदेखि सावधानी अपनाउनुपर्छ। यही नै अगाडि बढ्ने बाटो हो।”
मेसिनहरूले संसारलाई कसरी बुझ्छन् र के हामी मेसिनलाई संसारलाई कसरी बुझ्ने भनेर सिकाउने मोडेल बनाउन सक्छौँ ? भनेर उनले प्रश्न गरे। ह्वावे ग्लोबल एनालिस्ट शिखर सम्मेलन पहिलोपटक २००४ मा आयोजना भएको थियो। यो १९ वर्षदेखि वार्षिक रूपमा जारी छ।
