सोनाम ल्होसारको अवसरमा सुनापति गाउँपालिकामा तीन दिन सार्वजनिक बिदा

सोनाम ल्होसारको अवसरमा रामेछापको सुनापति गाउँपालिकाले तीन दिन सार्वजनिक बिदा दिने निर्णय गरेको छ। गाउँपालिकाले २८५८औँ सोनाम ल्होसार ताक (च्यान) ल्हो (बाघ वर्ष)का अवसरमा माघ १८, १९ र २० गते गाउँपालिका र अन्तर्गतका सबै सरकारी कार्यालय, संघसंस्था र वित्तीय संस्थाहरूलाई बिदा दिने निर्णय गरेको हो।

पालिकामा तामाङ समुदायको बाहुल्य रहेकाले गाउँ कार्यपालिकाको बैठकले सोनाम ल्होछारको अवसरमा सार्वजनिक बिदा दिने निर्णय गरेको गाउँपालिकाका प्रमुख प्रशासकीय अधिकृत कमलराज श्रेष्ठले जानकारी दिए।