सभामुख अग्निप्रसाद सापकोटाले संविधान राम्रो भए पनि असल अभ्यास गर्न नसक्दा अनेकौँ उतार चढाव व्यहोर्नुपरेको बताएका छन् । शुक्रबार संघीय संसद् सचिवालयद्वारा आयोजित संसदीय प्रभावकारिताका लागि सञ्चारकर्मीको भूमिका विषयक कार्यक्रममा उनले लोकतन्त्रको असल अभ्यास गर्न सकियो भने अहिले हाम्रो सबैभन्दा ठूलो उपलब्धि त्यही हुने उल्लेख गरे।
सापकोटाले पत्रकारिता र संसद् लोकतन्त्रको आत्मा भएको बताए। ‘लोकतन्त्र भनेको प्रवचन, उपदेश र निर्देशन गर्ने विषय नभई ज्ञानको धारा हो ।’ संविधान राम्रो भए पनि असल अभ्यास गर्न नसक्दा अनेकौँ उतारचढाव व्यहोर्नुपरेको उल्लेख गर्दै उनले पत्रकारिताको तागत र शक्तिलाई आफूले गहिरो ढंगबाट बुझेको उल्लेख गरे।
See More On
