अनलाइन बजार दराजले आयोजना गर्न लागेको व्यापार मेला ११.११ को पूर्वसन्ध्यामा गाला लाइभ आयोजना गर्ने भएको छ । कम्पनीले ११ चर्चित व्यक्तित्वसहित, कार्यक्रम प्रस्तोता सुरजसिंह ठकुरी र माल्भिका सुब्बाले लाइभ सञ्चालन गर्ने भएका छन् । दराज प्रयोगकर्ताका लागि आयोजना गर्न लागेको यो कार्यक्रममा नेस स्टुडियोको सांगीतिक प्रस्तुति, अन्तत्र्रिmयात्मक खेल र दराज प्रयोगकर्ताहरूका लागि नयाँ टिभिएस रेडरलगायत राम्रा पुरस्कार जित्ने मौका रहेको दराजले जनाएको छ । उक्त कार्यक्रम दराज एपको नयाँ दराज लाइभ फिचरमार्फत नोभेम्बर १० मा प्रत्यक्ष प्रसारण हुने जनाइएको छ ।
कोभिड महामारीमा धेरै ब्रान्ड, विक्रेता, व्यवसाय र उपभोक्ताहरूले व्यापार, संलग्नता, र मनोरञ्जनको नयाँ तरिकाको खोजीमा अनलाइनमा आकर्षित भएको दराजले ठहर गरेको छ । त्यसैले लाइभस्ट्रिमिङ लोकप्रिय हुँदै गइरहेको कम्पनीले जनाएको छ । दराजले २०७८ भदौ मा देशको पहिलो इन–एप सपिङ लाइभ स्ट्रिम दराज लाइभ आयोजना गरेको जनाएको छ । नेपालमा अनलाइन किनमेललाई पुनः आविष्कार गर्ने दृष्टि राखी र अलिबाबाको अनुभव, अन्तर्दृष्टि र प्रविधिहरूको सदुपयोग गर्दै, दराज लाइभ प्रस्तुत गरेको कम्पनीको भनाइ छ ।
दराज नेपालका प्रबन्ध निर्देशक लिनो अलरिङले दराज लाइभमार्फत ग्राहक र विक्रेताबीचको सम्बन्धलाई अझ बढी मजबुत बनाउने आशा गरेको बताए । उनले भने, ‘हामी एक बलियो समुदाय निर्माण गर्न चाहन्छौँ, जहाँ अनलाइन सपिङको कुरा आउँदा ग्राहकहरूले खोजिरहेको कुनै पनि जानकारी प्रत्यक्ष विक्रेताबाट पाऊन् ।’
