नेपाली बजारमा आज सुनको मूल्य प्रतितोला पाँच सय रुपैयाँले बढेर ९० हजार तीन सय रुपैयाँ कायम गरिएको छ । नेपाल सुनचाँदी व्यवसायी महासंघले सार्वजनिक गरेको तथ्यांकअनुसार छापावाल सुनको मूल्य प्रतितोला ९० हजार तीन सय रुपैयाँ तोकिएको हो । छापावाल सुन सोमबार प्रतितोला ८९ हजारमा आठ सय रुपैयाँमा कारोबार भएको थियो ।
त्यस्तै, तेजाबी सुनको आजको कारोबार मूल्य प्रतितोला रु. ८९ हजार आठ सय ५० कायम गरिएको छ जुन सोमबार प्रतितोला रु. ८९ हजार तीन सय ५० मा कारोबार भएको थियो ।
महासंघका अनुसार आज चाँदीको मूल्य स्थिर रहेको छ । सोमबार प्रतितोला रु. एक हजार एक सय ६० मा कारोबार भएको चाँदी आज पनि सोही मूल्यमा कारोबार हुनेछ ।
अन्तर्राष्ट्रिय बजारमा आज सुन प्रतिऔँस एक हजार सात सय ६० अमेरिकी डलरमा कारोबार भइरहेको छ । अन्तर्राष्ट्रिय बजारमा हुने सुनचाँदी कारोबार मूल्यका आधारमा नेपालमा महासंघले सुन तथा चाँदीको मूल्य तोक्ने गर्दछ । रासस
